श्री संत तुकाराम पालखी सोहळा २०११

श्री संत तुकाराम पालखी सोहळा २०११

नामदेवें केलें स्वप्नामाजी जागें । सवें पांडुरंगें येऊनियां ॥१॥

सांगितलें काम करावें कवित्व । वाउगें निमित्य बोलों नको ॥धृ॥

माप टाकी सळ धरिली विठ्ठलें । थापटोनि केलें सावधान ॥२॥

सांगितलें काम करावें कवित्व । वाउगें निमित्य बोलों नको ॥धृ॥

प्रमाणाची संख्या सांगे शत कोटी । उरले शेवटीं लावी तुका ॥३॥

सांगितलें काम करावें कवित्व । वाउगें निमित्य बोलों नको ॥धृ॥

2

द्याल ठाव तरि राहेन संगती । संतांचे पंगती पायांपाशीं ॥१॥

आवडीचा ठाव आलोंसें टाकून । आतां उदासीन न धरावें ॥धृ॥

सेवटील स्थळ निंच माझी वृत्ति । आधारें विश्रांती पावईन ॥२॥

आवडीचा ठाव आलोंसें टाकून । आतां उदासीन न धरावें ॥धृ॥

नामदेवापायीं तुक्या स्वप्नीं भेटी । प्रसाद हा पोटीं राहिलासे ॥३॥

आवडीचा ठाव आलोंसें टाकून । आतां उदासीन न धरावें ॥धृ॥

३

करूं कवि काय आतां नाही लाज । मज भक्तराज हांसतील ॥१॥

आतां आला एका निवाडयाचा दिस । सत्याविण रस विरसला ॥धृ॥

अनुभवाविण कोण करी पाप । रिते चि संकल्प लाजलावे ॥२॥

आतां आला एका निवाडयाचा दिस । सत्याविण रस विरसला ॥धृ॥

तुका म्हणे आतां न धरवे धीर । नव्हे जीव स्थिर माझा मज ॥३॥
आतां आला एका निवाडयाचा दिस । सत्याविण रस विरसला ॥धृ॥

४

पावावे संतोष । तुम्हीं यासाटीं सायास ॥१॥

करीं आवडी वचनें । पालटूनि क्षणक्षणें ॥धृ॥

द्यावें अभयदान । भुमीन पाडावें वचन ॥२॥

करीं आवडी वचनें । पालटूनि क्षणक्षणें ॥धृ॥

तुका म्हणे परस्परें । कांहीं वाढवीं उत्तरें ॥३॥

करीं आवडी वचनें । पालटूनि क्षणक्षणें ॥धृ॥

५

कांहीं च न लगे आदि अवसान । बहुत कठीण दिसतसां ॥१॥

अवघ्याच माझ्या वेचविल्या शक्ती । न चलेसी युक्ति जाली पुढें ॥धृ॥

बोलिलें वचन हारपलें नभीं । उतरलों तों उभीं आहों तैसीं ॥२॥

अवघ्याच माझ्या वेचविल्या शक्ती । न चलेसी युक्ति जाली पुढें ॥धृ॥

तुका म्हणे कांहीं न करावेंसें जालें । थकित चि ठेलें वित्त उगें ॥३॥

अवघ्याच माझ्या वेचविल्या शक्ती । न चलेसी युक्ति जाली पुढें ॥धृ॥

६

करितों कवित्व म्हणाल हें कोणी । नव्हे माझी वाणी पदरींची ॥१॥

माझिये युक्तीचा नव्हे हा प्रकार । मज विश्वंभर बोलवितो ॥२॥

काय मी पामर जाणे अर्थभेद । वदवी गोविंद तें चि वदें ॥३॥

निमित्त मापासी बैसविलों आहें । मी तों कांहीं नव्हे स्वामिसत्ता ॥४॥

तुका म्हणे आहें पाईक चि खरा । वागवितों मुद्रा नामाची हे ॥५॥

To view some more snaps for the Day you can click on below Url

https://picasaweb.google.com/a2yshindephotography/ShriTukaramPalkhi2011?authuser=0&authkey=Gv1sRgCLfAnuaZuN6W7QE&feat=directlink

For better view of snaps Please download Adobe Flash player on your system

its free http://get.adobe.com/flashplayer 

View all

Get your own

Thanks and Regards

Yogesh Shinde.

Reach me @ a2yshindephotography@gmail.com

Ctc: 9822008403.